عمران خان اُتے حملہ:تحقیقات لئی جے آئی ٹی دا سربراہ تبدیل

لہور(پنجابی میڈیا)پنجاب حکومت نے پاکستان تحریک انصاف دے چیئرمین تے سابق وزیراعظم عمران خان اُتے حملے دی تحقیقات لئی قائم جوائنٹ انویسٹی گیشن ٹیم(جے آئی ٹی) دے سربراہ نوں تبدیل کردتا۔واضح رہے کہ پچھلے دناں ہی پنجاب حکومت نے عمران خان اُتے قاتلانہ حملے تے وزیرآباد پلس ولوں مقدمے وچ ایف آئی آر دے اندراج دی تحقیقات لئی پنج رُکنی جے آئی ٹی تشکیل دے دتی سی۔دُوجے پاسے پنجاب حکومت نے عمران خان اُتے قاتلانہ حملے تے وزیرآباد پلس ولوں مقدمے وچ ایف آئی آر دے اندراج دی تحقیقات لئی بنائی گئی5رُکنی سانجھی تحقیقاتی ٹیم دی24گھنٹے اندر ہی تشکیل نوکردتی۔نویں جے آئی ٹی دی سربراہی ڈی آر پی او ڈیرہ غازی خان سید خرم علی کرن گے۔ہوراں وچ طارق رستم چوہان ، احسان اللہ چوہان ، ملک طارق محبوب ، نصیب اللہ خان وی جے آئی ٹی دے ممبر کمیٹی ہون گے ایس دوران جے آئی ٹی کسی ہور نوں وی ممبر دے طور اُتے شامل کر سکے گی۔ یادرہے کہ ایس توں پہلاں بنائی گئی کمیٹی دے سربراہ ڈی آئی جی اسٹیبلشمنٹ سی پی او لہور طارق رستم چوہان سن۔