ویلے تو پہلاں الیکشن دا فیصلہ لندن وچ ہو رہیا اے: عمران خان دا دعویٰ

منڈی بہا الدین، جڑانوالہ ( پنجابی میڈیا گروپ)پاکستان تحریک انصاف دے چیئرمین تے سابق وزیراعظم عمران خان نے آکھیا اے کہ اُمید اے کہ میرے اُتے وزیر آباد وچ ہون والے حملے دی درخواست چیف جسٹس آف پاکستان سُنن گے۔ ملک وچ ویلے توں پہلاںالیکشن تے آرمی چیف دی تعیناتی دا فیصلہ لندن وچ ہو رہیا اے۔ایہ کنج ہوسکدا اے وزیراعظم شہباز شریف مفرور شخص (نواز شریف)نال مشاورت کرے، ایہ آفیشل سیکرٹ ایکٹ دی خلاف ورزی اے۔ منڈی بہائو الدین تے جڑانوالہ وچ پی ٹی آئی دی حقیقی آزادی لانگ مارچ دے رَلتیاں نال ویڈیو لنک ذریعے خطاب کردیاں ہویاں پاکستان تحریک انصاف دے چیئرمین نے آکھیا کہ اج ساڈے پارلیمنٹرینزدرخواست لے کے عدالت گئے،مینوں اُمید اے کہ محترم چیف جسٹس ساڈی درخواست نوںسُنن گے،ایہ فیصلہ کُن ویلا اے ملک نوںقنون دی بالادستی ول لے کے آنا ہوئے گا،لندن وچ شہبازشریف نوںجرمانہ ہویا،عمران خان لندن دی عدالت نے آکھیا قنون دی نظر وچ سب برابر اے،برطانیہ وچ قنون دی حکمرانی اے،میں سابق وزیراعظم ہندیاں ہویاں ایف آئی آردرج نہیں کراسکدا،اگرملک وچ خوشحالی لیانی اے تے انصاف قائم کرنا ہوئے گا، مدینہ دی ریاست وچ پہلاں عدل تے انصاف قائم کیتا گیا، جناں ملکاں وچ انصاف ہوئے اوہ خوشحال ملک اے۔