وزیراعظم شہبازشریف کورونا دا شکار،چھیتی صحتیابی لئی دعا دی اپیل

اسلام آباد( پنجابی میڈیا گروپ)وزیراعظم میاں شہباز شریف اک وار فیر کورونا وائرس دا شکار ہوگئے، اپنے آپ نوں قرنطینہ کر لیا۔وفاقی وزیر اطلاعات مریم اورنگزیب نے سماجی رابطے دی ویب سائٹ ٹویٹر اُتے تصدیق کردیاں ہویاں آکھیا کہ وزیراعظم شہباز شریف کورونا پازیٹو ہوگئے نیں، 2دناں توں وزیراعظم دی طبیعت ناساز سی۔مریم اورنگزیب نے آکھیا کہ ڈاکٹر دے مشورے نال میاں شہباز شریف دا اج کورونا ٹیسٹ کروایا گیا، عوام تے کارکناں توں وزیراعظم دی چھیتی صحت یابی لئی دعا دی اپیل اے۔