عبدالرزاق نے پاکستان کرکٹ بورڈ توں راہواں وَکھ کرلئیاں
لہور( پنجابی میڈیا گروپ)قومی کرکٹ ٹیم دے سابق آل رائونڈر عبدالرزاق نے پاکستان کرکٹ بورڈ (پی سی بی)توں راہواں وَکھ کرلیاں۔پاکستان کرکٹ بورڈ (پی سی بی) نے پچھلے سیزن وچ عبدالرزاق نوں سینٹرل پنجاب دا ہیڈ کوچ تعینات کیتا گیا سی، اج کل سیزن وچ سینٹرل پنجاب دیاں ٹیماں دی سلیکشن دے معاملے اُتے آل رائونڈر تنقید دی زد وچ آئے ہوئے سن تے پاکستان جونئیر لیگ دی سلیکشن دے معاملے اُتے وی عبدالرزاق اُتے کئی اعتراض ساہمنے آئے سن۔پاکستان جونئیر لیگ وچ حیدر آباد ٹیم دے نال ذمہ داریاں نبھان توں بعد عبدالرزاق سینٹرل پنجاب ٹیم نوں جوائن نہیں کیتا،سابق کرکٹر نے پاکستان جونئیر لیگ دی ٹیم حیدر آباد دے ہیڈ کوچ دے فرائض سرانجام دتے سن۔مصباح الحق تے وقار یونس دے کوچنگ توں استعفٰی دی توں بعد عبدالرزاق نوں اک سیریز لئی عبوری بائولنگ کوچ وی مقررکیتا گیا سی۔پی سی بی ذرائع نے عبدالرزاق دے استعفٰی دین دی تصدیق کردیاں ہویاں آکھیاکہ سابق آل رائونڈر نے مختلف نجی چینلاں دے نال مصروفیات پاروں استعفٰی دتا، پی سی بی میڈیا پالیسی دے تحت بورڈ دا کوئی ملازم میڈیا اُتے کام نہیں کرسکدا۔
