عمران خان اُتے حملے دی تحقیقات لئی قائم جے آئی ٹی دا کم کرن توں انکار
لہور( پنجابی میڈیا گروپ)چیئرمین پاکستان تحریک انصاف عمران خان اُتے حملے دی تحقیقات لئی بنائی گئی جے آئی ٹی نے کم کرن توں انکار کر دتا، جے آئی ٹی ارکان نوں تاحال باضابطہ طور اُتے آگاہ نہیں کیتا گیا۔محکمہ داخلہ صرف واقعہ دی تفتیش لئی صرف لیٹرہی جاری کر سکی ،ارکاناں نوں ہُن تک پنجاب حکومت یا آئی جی آفس توں کسی نے آگاہ تک نہیں کیتا ۔جے آئی ٹی ذرائع دے مطابق آئی جی پنجاب وی مقدمہ درج ہون توں بعد چپ چاپ14دناں دی ایکس پاکستان لیو اُتے چلے گئے،قائم مقام آئی جی کنور شاہ رخ ولوں وی تفتیش لئی کوئی حکم نہیں ملیا،واقعہ وچ ملزم نوید گوجرانوالہ پلس کول موجود اے۔ذرائع دا کہنا اے کہ حملے نوں12دن لنگے تے ملزم گرفتار ہون دے باوجود مقامی عدالت وچ پیش نہ کیتاجا سکیا، حملے دے ملزم دی تاحال گرفتاری وی نہیں کیتی جا سکی۔
