وزیر جنگلی حیات سفاری پارک واقعہ تے سخت برہم، 7ملازمین نوں معطل کر دتا
لہور: وزیر جنگلی حیات اسد کھوکھر نے سفاری پارک واقعہ تے سخت برہمی دا اظہار کردیاں 7ملازمین نوں معطل کر دتا اے۔ صوبائی وزیر اسد کھوکھر دا کہنا اے واقعہ معطل ملازمین دی غفلت نال پیش آیا۔ اسد کھوکھر نے شیر سفاری دا وزٹ وی کیتا تے اوتھے کیمرہ نہ ہون تے انتظامیہ تے برہم ہوئے۔
کجھ دن پہلاں پیش آن والے افسوسناک واقعہ توں صوبائی وزیر نوں مکمل طور تے آگاہ کیتا گیا۔ وزیر وائلڈ لائف دا کہنا اے ہور جہڑے لوک ایس واقعے وچ ملوث نظر آن گے اوہناں نوں وی معطل کر دتا جاوے گا تاں جے اگلی واری اجیہا کوئی معاملہ ساہمنے نہ آ سکے۔
