صدر مملکت تے وزیراعظم نال آرمی چیف جنرل قمر باجوہ دی وَکھ وَکھ الوداعی ملاقات

اسلام آباد(پنجابی میڈیا گروپ)صدر مملکت ڈاکٹر عارف علوی تے وزیراعظم میاں شہباز شریف نال آرمی چیف جنرل قمر جاوید باجوہ نے وَکھ وَکھ الوداعی ملاقات کیتی ۔جاری اعلامیہ دے مطابق صدر عارف علوی نال آرمی چیف جنرل قمر جاوید باجوہ نے ایوان صدر وچ ملاقات کیتی،صدر مملکت نے جنرل قمر جاوید باجوہ لئی نیک خواہشاںدا اظہار کیتا، اوہناں نے ریٹائر ہون والے آرمی چیف دی دفاعی شعبیاں وچ خدمتاں نوں سراہیا۔دُوجے پاسے وزیراعظم شہباز شریف نال آرمی چیف جنرل قمر جاوید باجوہ نے الوداعی ملاقات کیتی، وزیراعظم نے آرمی چیف دیاں خدمتاں نوں سراہیا تے اوہناں لئی نیک خواہشاں دااظہار کیتا۔آرمی چیف جنرل قمر جاوید باجوہ دا وزیراعظم ہاؤس آمد اُتے شاندار استقبال کیتا گیا،ملاقات دے دوران وزیراعظم تے سپہ سالار وچ خوشگوار انداز وچ گل بات تے باہمی دلچسپی دے امور، پیشہ ورانہ معاملیاں اُتے گل بات ہوئی، وزیراعظم نے آرمی چیف دی ملکی خدمتاں نوں سراہیا۔