آرمی چیف جنرل عاصم منیر پاکستان اُتے کوئی آنچ نہیں آنے دین گے: پرویز الٰہی

لہور( پنجابی میڈیا گروپ)وزیراعلیٰ پنجاب چودھری پرویز الٰہی نے آکھیا اے کہ جنرل(ر) قمر جاوید باجوہ دا دور لوکاں دے دلاں وچ وی یاد رہے گا، اللہ تعالی دی مدد نال انشاء اللہ نویں آرمی چیف سید عاصم منیر پاکستان اُتے کوئی آنچ نہیں آن دین گے۔ وزیراعلٰی پنجاب چودھری پرویزالٰہی نے اپنے اہم ویڈیو پیغام وچ آکھیا کہ سابق آرمی چیف قمر جاوید باجوہ دا پریڈ تریخ وچ وی یاد رکھاجائے گا ،آپریشن ردالفساد وچ سابق آرمی چیف قمر جاوید باجوہ دے شاندار کردار دی دنیا معترف اے، ملک توں اَت گردی ختم کرن دا کریڈٹ قمر جاوید باجوہ نوں جاندا اے،اوہناں نے ہور کہا کہ الحمد للہ اج خیبرپختونخوا سنے ساریاں علاقیاں وچ امن اے تے لوگ پُرسکون نیں، جَد زلزلہ آیا تے اوس ویلے وی سابق آرمی چیف قمر جاوید باجوہ دی قیادت وچ پاک فوج نے بوہت کم کیتا، سیلاب وچ وی فوج پنجاب دے متاثرہ علاقیاں سنے ہر جگہ ویلے اُتے پہنچی۔چودھری پرویز الٰہی نے آکھیا کہ سندھ وچ سیلاب دے دوران پاک فوج دے علاوہ کسی نے کم نہیں کیتا، خیبر پختونخوا وچ بدترین سیلاب آیا تے قمر جاوید باجوہ خود وہاں پہنچے، جنرل(ر)قمر جاوید باجوہ دیاں سماجی ودینی خدمتاں بے شمار نیں،سعودی عرب نے دنیا دی سب توں وڈی تبلیغی جماعت اُتے غلط فہمی دی بنا اُتے پابندی لادتی تے سابق آرمی چیف قمر جاوید باجوہ نے پابندی ہٹوان وچ اہم کردار ادا کیتا، تبلغی جماعت دے اجتماع وچ قمر جاوید باجوہ دی درازی عمر تے پالیسیاں دے تسلسل لئی سب توں وَدھ دعاواں کیتیاںگئیاں۔