آزاد کشمیر بلدیاتی الیکشن دا دُوجا مرحلہ : تحریک انصاف پہلے نمبر اُتے

راولا کوٹ(پنجابی میڈیا کورٹ )آزاد کشمیر وچ بلدیاتی الیکشن دے دُوجے مرحلے وچ پونچھ ڈویژن وچ پاکستان تحریک انصاف229 نشستاں دے نال پہلے نمبر اُتے اے۔الیکشن کمیشن دے مطابق787نشستاں وچوں708 دے نتائج موصول ہوئے نیں، نتائج دے مطابق مسلم لیگ ن129نشستاں دے نال دُوجے جدکہ پاکستان پیپلز پارٹی104نشستاں دے نال تیجے نمبر اُتے اے۔جموں و کشمیر پیپلز پارٹی28نشستاں دے نال چوتھے تے تحریک لبیک پاکستان7نشستاں دے نال 5ویںنمبر اُتے آگئی۔جمعیت علمائے اسلام، آل جموں و کشمیر مسلم کانفرنس تے جماعت اسلامی نے 4 نشستاں حاصل کیتیاں جدکہ آزاد امیدوار199نشستاں اُتے کامیاب ٹھہرے۔ایس طرح حکمران اتحاد مجموعی طور اُتے233 نشستاں اُتے کامیاب ہویا جدکہ اپوزیشن جماعتاں نے276 نشستاں جِت لئیاں،79نشستاں دے نتائج آنا باقی نیں ۔ نتائج دے مطابق مظفرآباد ونگوں راولاکوٹ دی میئر شپ وی اپوزیشن دے حصے وچ آن دا امکان اے، پی ٹی آئی کھائی گلہ، ہجیرہ، عباسپور تے دھیر کوٹ میونسپل کمیٹیاں وچ وی چیئرمین نہیں بنا سکے گی۔