پی ٹی آئی ویلا ضائع کیتیوں بغیرپنجاب تے کے پی وچ الیکشن لئی جائے گی،فوادچوہدری

اسلام آباد(پنجابی میڈیا گروپ)سابق وفاقی وزیر فواد چوہدری نے آکھیا اے کہ پاکستان تحریک انصاف ویلا ضائع کیتیوں بغیر پنجاب تے خیبر پختونخوا دے صوبائی الیکشن لئی جائے گی۔ٹوئٹر اُتے جاری بیان وچ فواد چوہدری نے لکھیا کہ عمران خان نے اسمبلی دے ممبراں نوں ہدایت کیتی اے کہ اپنے حلقیاں وچ واپس پہنچن، اسیں ہور ویلا ضائع نہیں کراں گے۔ فواد چوہدری دے مطابق پارٹی ارکان اسمبلی نوں آکھیا گیا اے کہ فوری طوراُتے الیکشن دی تیاری کرن، پی ٹی آئی ویلا ضائع کیتیوں بغیر پنجاب، خیبر پختونخوا دے صوبائی الیکشن لئی جائے گی۔فواد چوہدری نے پی ڈی ایم اُتے تنقید کردیاں ہویاں ہور لکھیا کہ موجودہ پی ڈی ایم الیکشن توں اینج ہی نٹھ رہی جِداں ہُن نٹھ رہی اے، قومی اسمبلی دے الیکشن بعد وچ ہون گے۔