فیصل واوڈا نااہلی کیس دا تحریری فیصلہ جاری
اسلام آباد(پنجابی میڈیا گروپ) سپریم کورٹ آف پاکستان نے فیصل واوڈا نااہلی کیس دا مختصر تحریری فیصلہ جاری کردتا۔چیف جسٹس پاکستان عمر عطا بندیال نے4صفحیاں اُتے مشتمل تحریری فیصلہ جاری کیتا اے۔سپریم کورٹ دے مختصر تحریری فیصلے وچ آکھیا گیا اے کہ الیکشن کمیشن کول امیدوار نوں الیکشن توں پہلاں نااہل کرن دا اختیار نہیں۔فیصلے دے مطابق اسلام آباد ہائی کورٹ دا فیصلہ وی قنون دی نظر وچ برقرار نہیں رکھیا جا سکدا ۔ مختصر فیصلے وچ آکھیا گیا کہ الیکشن کمیشن تے ہائی کورٹ دا فیصل واوڈا دی تاحیات نااہلی دا فیصلہ کالعدم قرار دتا جاندا اے۔
