توشہ خانہ وچ نااہلی:عمران خان نوں پی ٹی آئی دی چیئرمین شپ توں ہٹان لئی کارروائی شروع
اسلام آباد( پنجابی میڈیا گروپ)توشہ خانہ ریفرنس وچ نااہلی اُتے الیکشن کمیشن آف پاکستان نے عمران خان نوں پی ٹی آئی دی چیئرمین شپ توں ہٹان لئی کارروائی شروع کردتی۔میڈیا دے مطابق پی ٹی آئی چئیرمین عمران خان دی توشہ خانہ ریفرنس وچ نااہلی توں بعد ہُن الیکشن کمیشن آف پاکستان فعال ہوگیا تے اوس نے عمران خان نوں تحریک انصاف دی چیئرمین شپ توں ہٹانے لئی کارروائی دا آغاز کردتا۔الیکشن کمیشن نے عمران خان نوں پارٹی دی سربراہی توں ہٹان لئی نوٹس جاری کردتا تے برطرفی دا ایہ کیس13دسمبر نوں سماعت لئی مقرر کردتا اے۔
