وزیراعظم پاکستان تے وزیراعظم آزاد کشمیر وچ بحث و تکرار

منگلا( پنجابی میڈیا گروپ)وزیراعظم شہباز شریف دی منگلا وچ تقریر دے دوران وزیراعظم آزاد کشمیر دے نال تکرار ہوگئی۔وزیراعظم شہباز شریف منگلا وچ ڈیم دے یونٹ 5توں6 دی ریفربشمنٹ دی افتتاحی تقریب دے موقع اُتے خطاب کررہے سن کہ کوہستان وچ بجلی منصوبے دا اعلان کرن اُتے وزیراعظم آزاد کشمیر دے نال تکرار ہو گئی ۔ پاکستان تحریک انصاف نال تعلق رکھن والے وزیراعظم آزاد کشمیر سردار تنویر الیاس نے وزیراعظم دی تقریر دے دوران بولن دی کوشش کیتی، جس اُتے شہباز شریف نے اوہناں نوں مخاطب کردیاں آکھیا کہ تُسی بیٹھ جائو، بعد وچ گل کرن گے،لیکن وزیراعظم آزاد کشمیر خموش نہ ہوئے۔ دونوں وزرائے اعظم دے درمیاں تکرار دی ویڈیوز سماجی رابطیاں دی ویب سائٹس اُتے وائرل ہو گئی، جس وچ ویکھیا جا سکدا اے کہ وزیراعظم شہباز شریف دے منع کرن دے باوجودوزیراعظم آزاد کشمیر خموش نہ ہوئے تے اوہناں نے احتجاجاََ اپنی گل جاری رکھن دی کوشش کیتی۔