گھریلو صارفین نوں کھان، پکان ویلے گیس ملے گی، سوئی ناردرن گیس

اسلام آباد( پنجابی میڈیا گروپ)سوئی ناردرن گیس نے گھریلو صارفین نوں کھان ، پکان ویلے گیس فراہم کرن دا اعلان کیتا اے۔ایم ڈی سوئی ناردرن گیس علی جے ہمدانی نے بیان وچ آکھیا کہ عالمی منڈی وچ آر ایل این جی مہنگی ہون پاروںایس وار وَدھ گیس نہیں خریدی جا سکی۔ یوکرین تے روس جنگ پاروں گیس دی سپلائی متاثر ہوئی اے۔ اوہناں نے آکھیا کہ گھریلو صارفین نوں صبح6وجے توں9وجے،دوپہر12توں2تے شام6 توں رات9وجے تک گیس ملے گی ۔ گھٹ پریشر والے علاقیاں وچ ایل پی جی سلنڈر فراہم کر رہے ہاں ۔ ایم ڈی سوئی ناردرن گیس دا کہنا سی کہ انڈسٹری نوں گیس فراہم کیتی جارہی اے۔گیس بحران پاروں نویں کنکشن اُتے پابندی عائد اے۔