توہین الیکشن کمیشن کیس:اسد عمر نے سپریم کورٹ وچ جواب جمع کر ادتا

اسلام آباد( پنجابی میڈیا گروپ)توہین الیکشن کمیشن کیس وچ پی ٹی آئی رہنما اسد عمر نے سپریم کورٹ وچ تحریری جواب جمع کرا دتا،سپریم کورٹ وچ عمران خان ، اسد عمر ، فواد چوہدری دے خلاف توہین الیکشن کمیشن کیس وچ اسد عمر نے تحریری جواب جمع کراندیاں ہویاں آکھیا کہ الیکشن کمیشن دا شوکاز نوٹس غیر قنونی، غیر آئینی اے، آرٹیکل204اعلی عدلیہ نوں توہین عدالت دی کارروائی دا اختیار دیندا اے۔تحریک انصاف دے مرکزی رہنما نے آکھیا کہ الیکشن کمیشن عدالت نہیں تے آرٹیکل204 دے تحت توہین عدالت دا اختیار استعمال نہیں کر سکدا ، الیکشن ایکٹ دا سیکشن10آئین نال متصادم اے۔اسد عمر نے استدعا کیتی کہ الیکشن ایکٹ دا سیکشن10غیر آئینی قرار دتاجائے تے الیکشن کمیشن دی اپیل مسترد کیتی جائے۔