ساڈا معاشرہ دن بدن تنزلی ول جا رہیا اے:رابی پیرزادہ

کراچی( پنجابی میڈیا گروپ)سابق گلوکارہ رابی پیرزادہ نے آکھیا اے کہ اج کل مرد عورتاں دی نقل کر رہے نیں تے عورتاں رقص کر کے مشہور ہو رہیاں نیں تے اسیں بحیثیت معاشرہ تنزلی ول گامزن ہاں ۔تفصیل دے مطابق نجی ٹی وی نوں انٹرویو دیندیاں ہویاں سابق گلوکارہ رابی پیرزادہ نے ڈانسنگ ویڈیو ذریعے سوشل میڈیا اُتے لوکاں دے وائرل ہون اُتے اپنی رائے دا اظہار کیتا اے ۔ اوہناں نے آکھیا کہ اسیں بحیثیت معاشرہ تنزلی ول گامزن ہاں کیونکہ اسیں اینج دے مرداں نوں آئیڈیل بنا رہے ہاں جیہڑے عورتاں دی نقل کردے نیں تے عورتاں رقص کر کے مشہور ہو رہیاں نیں ۔ رابی نے آکھیا کہ جیہڑیا چیزاں ساہنوں نہیں کرنیاں چاہیدیاں تے جیہڑا سادا معاشرہ خراب کر رہیاں نیں اسیں خود لوکاں نوں وائرل کر دیندے ہاں، جیہڑے منڈے عورتاں ونگوں گلاں کردے نین اسیں اوہناں نوں اک لیول اُتے لے جاندے ہاں تے جیہڑیاں عورتاں ڈانس کردیاں نیں اسیں اوہناں نوں وائرل کر دیندے ہاں،اسیں خود اپنے معاشرے نوں آن والیاں نسلاں لئی زہریلا کر رہے ہاں۔