وزیر خزانہ اسحاق ڈار دے اثاثے بحال کرن دی کارروائی شروع
لہور( پنجابی میڈیاگروپ)قومی احتساب بیورو(نیب)نے اسحاق ڈار دے اثاثے بحال کرن لئی پنجاب دے مختلف اداریاں نوں مراسلہ جاری کردتا ۔ ذرائع دے مطابق نیب نے اسحاق ڈار دے اثاثے عدالت دے حکم اُتے وفاقی وزیر خزانہ دے اثاثے بحال کرن دافیصلہ کیتا اے، اسحاق ڈار دے اثاثیاں وچ پراپرٹی، مختلف بینک اکانٹس شامل نیں ۔نیب نے ایس کیس وچ اسحاق ڈار نوں مفرور قرار دے کے اثاثے منجمد کر دتے سن بلکہ گلبرگ لہور دی پراپرٹی ویچن دے احکامات وی جاری ہوئے تے نیلامی وی کرائی گئی سی مگر اسحاق ڈار دی پراپرٹی نیلام نہ ہو سکی سی۔اداریاں نوں نیب ولوں مراسلہ ملن توں بعد قنون دے تحت کارروائی شروع کردتی گئی
