توہین الیکشن کمیشن کیس:عمران خان تے ہوراں دے خلاف کارروائی دی اجازت

اسلام آباد( پنجابی میڈیاگروپ)سپریم کورٹ آف پاکستان نے الیکشن کمیشن نوں عمران خان، اسد عمر تے فواد چودھری دے خلاف کارروائی دی اجازت دے دتی ۔ تفصیل دے مطابق سپریم کورٹ وچ عمران خان ،اسد عمر تے فوادچودھری دے خلاف توہین الیکشن کمیشن کیس دی سماعت ہوئی، چیف جسٹس عمر عطا بندیال دی سربراہی وچ بنچ نے سماعت کیتی ۔ سپریم کورٹ نے الیکشن کمیشن نوں پی ٹی آئی رہنماواں دے خلاف کارروائی دی اجازت دے دتی، سپریم کورٹ نے آکھیا کہ الیکشن کمیشن دی کارروائی دے خلاف کسی ہائیکورٹ دا حکم امتناعی نہیں، الیکشن کمیشن قنون دے مطابق توہین عدالت کیس دی کارروائی کرے ۔ عدالت نے آکھیا کہ عمران خان ، اسد عمر تے فواد چودھری نوں جاری کیتے گئے نوٹس اُتے اعتراض اے، الیکشن کمیشن دے شوکاز نوٹس اُتے عمل ہونا چاہیدا اے۔بعدازاں سپریم کورٹ آف پاکستان نے الیکشن کمیشن دی عمران خان، اسد عمر تے فواد چودھری دے خلاف توہین دی اپیل نمٹا دتی۔