پنجاب اسمبلی: وزیراں دیاں تنخواہواں تے الائونس دا ترمیمی بل منظور

لہور(پنجابی میڈیاگروپ)پنجاب اسمبلی نے وزیراں دیاںتنخواہواں ، الائونس تے مراعات دا گورنر ولوں واپس گھلیا گیا ترمیمی بل دوبارہ کثرت رائے نال منظور کر لیا ۔ پنجاب اسمبلی دا اجلاس2گھنٹے18منٹ تاخیر نال شروع ہویا تے سابق سینیٹر نجمہ حمید لئی فاتحہ خوانی کیتی گئی ۔ اپوزیشن رُکن طاہر خلیل سندھو نے18اپوزیشن ارکاناں دی معطلی دی شکایت کیتی تے سپیکر نے وزیر پارلیمانی امور دے نال بیٹھن دا مشورہ دتا ۔ محکمہ پرائمری ہیلتھ کیئر دے وقفہ سوالات وچ سوالات جمع کران والے غیر حاضر سن ، لہور توں اختر علی دے سوال اُتے وزیر صحت ڈاکٹر اختر ملک نے دسیا کہ لہور وچ غازی آباد تے ہوراں علاقیاں وچ ڈاکٹراں دی کمی دور کیتی جائے گی ۔ ایوان نے معذور افراد دا خود مختاری بل، متحدہ علما بورڈ بل، پنجاب ٹرسٹس ترمیمی بل تے پرونشل موٹر وہیکل ترمیمی بل کثرت رائے نال منظور کر لئے جدکہ ایوان نے وزیراں دیاں تنخواہواں ، الائو نسز تے مراعات دا گورنر ولوں واپس گھلیا گیا ترمیمی بل وی دوبارہ کثرت رائے نال منظور کرلیا ، ایس اُتے اپوزیشن آوازاں چُکدی رہ گئی۔