حکومت تے پی ٹی آئی وچ مذاکرات دوبارہ شروع ،صدرعلوی نال اسحاق ڈار دی ملاقات

اسلام آباد( پنجابی میڈیا گروپ)صدر مملکت ڈاکٹر عارف علوی نال وفاقی وزیر خزانہ اسحاق ڈار دی ملاقات، وزیراعظم شہباز شریف دا پیغام صدر مملکت تک پہنچایا ۔ ایوان صدر اسلام آباد وچ وفاقی وزیر خزانہ اسحاق ڈار تے صدر مملکت عارف علوی دے درمیان ہون والی ملاقات20منٹ تک جاری رہی ۔ ذرائع دے مطابق دونوں اہم شخصیتاں دے درمیان ہون والی ملاقات وچ پی ٹی آئی دے چھیتی الیکشن دے مطالبے تے حکومتی اتحادیاں دے نکتہ نظر اُتے گل بات کیتی گئی۔ ملاقات وچ صدر مملکت ڈاکٹر عارف علوی نے ویلے توں پہلاں الیکشن دے حوالے نال عمران خان دا موقف ساہمنے رکھیا ، ایس موقع اُتے پاکستان متحدہ موومنٹ (پی ڈی ایم ) تے پاکستان تحریک انصاف دے متوقع مذاکرات اُتے وی گل بات کیتی گئی ۔ واضح رہے کہ صدر مملکت عارف علوی نال اسحاق ڈار دیاں 2 ملاقاتاں پہلاں وی ہوچکیاں نیں۔