نویں آرمی چیف نوں پرانی پالیسیاں اُتے نہیں چلنا چاہیدا اے:عمران خان

لہور( پنجابی میڈیا)چیئرمین پاکستان تحریک انصاف عمران خان نے آکھیا اے کہ میں کَدی جنرل(ر)باجوہ نوں باس نہیں آکھیا، میں وزیر اعظم ساں ، نویں آرمی چیف نوں پرانے آرمی چیف دیاں پالیسیاں نوں لے کے نہیں چلنا چاہیدا ۔ سابق وزیر اعظم عمران خان نے زمان پارک وچ یوٹیوبراں نال گل بات کردیاں ہویاں آکھیا کہ جنرل فیض نوں آرمی چیف بنان بارے کَدی نہیں سوچیا سی اوہناں دے خلاف پراپیگنڈہ کیتا گیا ۔پرویز الہٰی نے میرے اُتے مکمل اعتماد کیتا اے جِداں میں چاہواں گا اوہ اونج ہی کرن گے۔ چیئرمین تحریک انصاف عمران خان نے ہور آکھیا کہ پہلاں وی نیب اسٹیبلشمنٹ دے ماتحت وی صرف کمزراں اُتے ہتھ پاندی رہی،معاشرہ اوس ویلے تک تگڑا نہیں ہُندا جَد تک انصاف نہ ہندا ہوئے ۔ عمران خان نے آکھیا کہ سب توں وڈااثاثہ اوورسیز پاکستانی نیں اگر اوہ سرمایہ کاری کرن تے پاکستان نوں کسی ہور ملک توں منگن دی لوڑ نہیں ۔ارشد شریف دی والدہ نے جناں دے نام لئے اوہی نام میں لِتے ایف آئی آر ارشد شریف دی والدہ دی خواہش اُتے ہونی چاہیدی اے ۔ چیئرمین تحریک انصاف نے آکھیا کہ سلمان شہباز دی واپسی این آر او ٹو دا حصہ اے، 2 خانداناں نے اداریاں نوں کمزور کیتا، اداریاں نوں مارشل لا دی عادت پہ گئی سی جَد حکومت وچ آئے تے ہر قسم دا مافیا موجود سی مگر اوہناں دے خلاف ایکشن نہیں لے سکے۔

اپنا تبصرہ گھلو