سیلاب متاثرین دی مدد لئی70ارب روپے مہیا کیتے:وزیراعظم

اسلام آباد( پنجابی میڈیا)وزیراعظم شہباز شریف نے آکھیا کہ سیلاب متاثرین دی مدد لئی70ارب روپے مہیا کیتے۔ڈیرہ اسماعیل خان،ٹانک کے سیلاب متاثرین لئی تعمیرکیتے گئے رہائشی یونٹاں دی افتتاحی تقریب نال خطاب کردیاں ہویاں وزیراعظم شہباز شریف نے آکھیا کہ حالیہ سیلاب نال بڑی تباہی ہوئی، انفراسٹرکچر دا سارا نظام درہم برہم ہوگیا، ہزاراں لوکاں دے گھر تباہ ہوئے۔ اوہناں نے آکھیا کہ اللہ تعالی دے فضل وکرم نال سیلاب توں بے گھر ہون والے خانداناں نوںچھت فراہم کیتی جارہی اے، گھراں دی تعمیر لئی کیپٹن عظیم تے اوہناں دی ٹیم دا شکریہ ادا کردا ہاں مخیرحضرات دے تعاون نال ٹانک دے سیلاب متاثرین نوںچھت دی فراہمی خوش آئند اے ۔و زیراعظم شہباز شریف دا کہنا سی کہ سیلاب متاثرین دی خدمت قوم دی اجتماعی کوششاں ذریعے کیتی گئی، سابق سپہ سالار، افواج پاکستان تے نیوی نے دن رات کم کیتا۔

اپنا تبصرہ گھلو