یونائیٹڈ جرنلسٹس فورم دے وفد دا ڈنگہ دا دورہ
گجرات( پنجابی میڈیا گروپ)یونائیٹڈجرنلسٹس فورم پاکستان دے وفد نے ڈنگہ گجرات دادورہ کیتا تے مسلم لیگ ن دے مرکزی رہنما تے سابق وزیر مملکت چودھری جعفراقبال نال اوہناں دے ڈیرے اُتے ملاقات کیتی، وفد وچ سینئر اینکر پرسن تے وائس چئیرمین یونائیٹڈ جرنلسٹس فورم احتشام الرحمان، سینئر نائب صدر یونائیٹڈ جرنلسٹس فورم تے کالم نگار مناظر علی، یونائیٹڈ جرنلسٹس فورم دے فائونڈر، سیکرٹری جنرل تے ڈپٹی بیورو چیف” The Holiday”میگزین رضا محمد، سیکرٹری انفارمیشن یونائیٹڈ جرنلسٹس فورم تے سینئر اینکر پرسن سید شکیل گیلانی، ایگزیکٹو ممبر یوجے ایف پی تے اینکر پرسن میاں محمد آصف، کالم نگار پروفیسر نعیم مسعود شامل سن، ماہر تعلیم پروفیسر ڈاکٹر عاشق حسین ڈوگر وی ہمراہ سَن، یونائیٹڈ جرنلسٹس فورم دے وفد دا ڈیرے آمد اُتے چودھری جعفر اقبال نے اپنے ساتھیاں چودھری ارشد، چودھری عثمان، میاں اکمل تے ہوراں افراد دے ہمراہ پرتپاک استقبال کیتا تے اپنے ساتھیاںدا تعارف کروایا جدکہ ایس موقع اُتے سیکرٹری جنرل رضا محمد نے اپنے وفد دے ارکان دا تعارف کروایا تے فورم دے اغراض ومقاصد، سرگرمیاں بارے تفصیلی آگاہ کیتا جس نوں چودھری جعفر اقبال تے اوہناں دے ساتھیاں نے سراہیا ، ملاقات وچ ملکی سیاسی تے معاشی صورتحال سنے اہم معاملات اُتے لمبی گل بات ہوئی،چودھری جعفر اقبال نے ایس موقع اُتے پُچھے گئے سوالات دے مفصل جواب وی دتے، سوال جواب دے سیشن دے بعد چودھری جعفر اقبال نے اپنے ڈیرے اُتے یونائیٹڈ جرنلسٹس فورم دے وفد دے اعزاز وچ پُر تکلف عشائیے دا اہتمام کیتا جس وچ اہم سیاسی و سماجی شخصیات، تاجر تے وکیلاںنے وی رَلت کیتی، یونائیٹڈ جرنلسٹس فورم دے وفد نے پرتپاک استقبال تے شاندار مہمان نوازی اُتے چودھری جعفر اقبال، اوہناں دے والد، وڈے بھائی چودھری ارشد تے چھوٹے بھائی چودھری عثمان دا شکریہ ادا کیتاجدکہ چودھری جعفر اقبال نے وی ڈنگہ دا دورہ کرن اُتے یو جے ایف پی دی قیادت دا شکریہ ادا کیتا۔
