پاکستان تے قزاخستان وچ اقتصادی تعلقات دی لوڑ اے،صدرمملکت

اسلام آباد(پنجابی میڈیا گروپ)صدر مملکت ڈاکٹر عارف علوی نے آکھیا اے کہ پاکستان تے قزاخستان دے وچکار سانجھے ورثے تے سماجی، ثقافتی تے مذہبی اقدار اُتے استوار برادرانہ تعلقات نوں تجارت، سرمایہ کاری تے اقتصادی تعلقات وچ بدلن دی لور اے دوناں پاسیاں دے تجارتی تعلقات نوں متنوع بنان،زراعت،آئی ٹی سنے مختلف شعبیاں وچ سانجھے منصوبیاں دے وسیع امکان نیں۔ایہہ گلاں اوہناں نے منگل نوں قزاخستان دی پارلیمنٹ دی مجلس(ایوانِ زیریں)دے چیئرمین دی قیادت وچ پارلیمانی وفد نال ملاقات دے دوران کیتیاں۔ملاقات وچ سپیکر قومی اسمبلی راجہ پرویز اشرف،پاکستان وچ قزاخستان دے سفیر تے اعلیٰ حکام وی موجودسن، صدر مملکت نے آکھیا کہ پاکستان تے قزاخستان دے وچکار برادرانہ تعلقات سانجھے ورثے تے سماجی،ثقافتی تے مذہبی اقدار اُتے استوارنیں۔