فردوس عاشق دی مبینہ توہین آمیز بیان تے الیکشن کمیشن توں معافی

اسلام آباد: وزیراعظم دی معاون خصوصی فردوس عاشق نے الیکشن کمیشن دے خلاف اپنے مبینہ توہین آمیز بیان تے معافی منگ لئی۔ الیکشن کمیشن آف پاکستان نے فردوس عاشق دے توہین آمیز بیان دے خلاف مسلم لیگ (ن) دی درخواست تے سماعت کیتی۔

معاون کیل الیکشن کمیشن وچ پیش ہوئے تے فردوس عاشق ولوں جواب جمع کرایا جہدے وچ اوہناں آکھیا میں الیکشن کمیشن دی توہین نہیں کیتی، جے الیکشن کمیشن سمجھدا اے کہ میں توہین کیتی اے تے غیر مشروط معافی منگنی آں۔ درخواست گزار خالد محمود آکھیا میں فردوس عاشق دے توہین آمیز بیان دا ٹرانسکرپٹ تے سی ڈی الیکشن کمیشن وچ جمع کرا چکیا آں۔

الیکشن کمیشن آکھیا سانوں فردوس عاشق دے بیان والی کوئی سی ڈی موصول نہیں ہوئی۔درخواست گزار خالد محمود آکھیا میں ویڈیو ٹرانسکرپٹ دوبارہ جمع کرا دیواں گا۔ فردوس عاشق دے وکیل نے استدعا کیتی درخواست گزار خالد محمود اوہناں دی موکل دے خلاف توہین آمیز مواد نہیں دے سکے، ایس لئی درخواست خارج کیتی جاوے۔

الیکشن کمیشن نے درخواست گزار توں ویڈیو ٹرانسکرپٹ طلب کردیاں فردوس عاشق دے خلاف درخواست تے سماعت 25مارچ تک ملتوی کر دتی۔