ادارے اپنی حدود وچ رہ کے کم کرن، عمران خان

لہور( پنجابی میڈیا گروپ)پاکستان تحریک انصاف (پی ٹی آئی)دے چیئرمین تے سابق وزیراعظم عمران خان نے آکھیا اے کہ اسمبلیاں تحلیل کرنا ساڈا آئینی حق اے، سارے ادارے اپنی حدود وچ رہ کے کم کرن ۔ زمان پارک وچ وکیلاں دے گروپ دے وفد نال ملاقات دے دوران عمران خان نے آکھیا کہ ملک وچ جد تک رول آف لا نہیں ہوئے گا ملک ترقی نہیں کرے گا، امریکہ دی غلامی توں نکلنا اے تے ملک وچ رول آف لا لیانا ہوئے گا ۔ چیئرمین پی ٹی آئی نے اک وار فیر الزام لایا کہ ملک دی موجودہ معاشی صورتحال دے ذمہ دار جنرل (ر)باجوہ نیں ۔ وکیلاں دے وفد دا کہنا سی کہ گورنر پنجاب دا وزیر اعلی نوں اعتماد دا ووٹ لین دا کہنا غیر قنونی قدم اے، ایس حوالے نال منظور وٹو کیس بکل کلئیر اے۔ملاقات دے آخر وچ عمران خان نے وکیلاں نوں ملک بھر وچ رول آف لا دی تحریک نوں زورنال چلان دا ٹاسک دتا۔