عمران خان باہر دے ایجنڈے اُتے عمل کر رہیا اے۔فضل الرحمن

پشور( پنجابی میڈیا گروپ)جمعیت علما اسلام دے سربراہ مولانا فضل الرحمان نے آکھیا اے کہ عمران خان باہر دے ایجنڈے اُتے عمل کر رہیا اے،4 ورھیاں وچ ملک دا حشر کر دتا، ساہنوں اندازہ نہیں سی کہ اسیں اینہے دلدل وچ پَھس چکے ہاں۔میڈیا نال گل بات کردیاں ہویاں مولانا فضل الرحمان نے آکھیا کہ اتحادی حکومت دیاں کوششاں نال ملک ڈیفالٹ دے خطرے توں نکل گیا، مخالف حکومت دی راہ وچ رکاوٹاں پیدا کر رہے نیں، پنجاب تے خیبر پختونخوا وچ لوگ بنیادی سہولتاں توں محروم تے عدم استحکام داشکار نیں، صوبیاں دے وسائل عمران خان اُتے خرچ ہو رہے نیں۔ایس توں پہلاں، مولانا فضل الرحمان نے جے یو آئی دی آل پارٹیز کانفرنس دی صدارت کیتی، جس وچ کے پی وچ امن و امان دی وِگڑدی ہوئی صورتحال اُتے سوچ وچارکیتا گیا جدکہ معاشی بدحالی، حکومت دے غیرسنجیدہ اقداماں پاروں پیدا شدہ صورتحال زیر بحث وی آیا۔اے پی سی نے صوبہ خیبر پختونخوا وچ بدامنی ، ٹارگٹ کلنگ تشویش دا اظہار کیتا تے حکومت توں مطالبہ کیتا گیا کہ قبائلی تے شہری علاقیاں وچ قیام امن لئی اقدام کیتے جان، اے پی سی دا اعلامیہ قومی سلامتی کمیٹی نوں گھلن دے عزم دا اظہار کیتا گی