ایم کیو ایم نے حکومت توں وَکھ ہون دی دھمکی دے دتی

کراچی( پنجابی میڈیاگروپ)کراچی وچ پریس کانفرنس کردیاں ہویاں ایم کیو ایم دے رہنما خالد مقبول صدیقی نے آکھیا کہ ساہنوں میڈیا توں اطلاع ملی کہ بلدیاتی الیکشن16جنوری نوں ہورہے نیں،اسیں باضابطہ طور اُتے پیپلز پارٹی دے اتحادی نہیں ہاں، ساڈا اک معاہدہ ہویا سی جیہڑا سندھ دے حوالے نال پیپلز پارٹی نال سی، اج ساڈا رابطہ کمیٹی دا اجلاس ہویا اے جس وچ اہم امور اُتے تبادلہ خیال ہویا اے۔خالد مقبول نے آکھیا کہ الیکشن غیر جانب دارتے شفاف ہون تے اسیں ضرور تیار ہاں مگر سندھ دے اندر بلدیاتی الیکشن دے حوالے نال جیہڑیاں حلقہ بندیاں کیتیاں گئیاں نیں اوہ متنازع نیں،15جنوری نوں شفاف الیکشن ہورہے نیں تے اسیں8مہینیاں دے دوران پیپلز پارٹی دے رہنماواں نال درجناں ملاقاتاں کیتیاں نین جنہاں وچ آکھیا اے کہ فوری طور اُتے کراچی و حیدر آباد دیاں حلقہ بندیاں تبدیل کیتیاں جان۔