معیشت دی بحالی نویں سال دا سب توں وڈا چیلنج اے،احسن اقبال

اسلام آباد (پنجابی میڈیا گروپ) وفاقی وزیر منصوبہ بندی احسن اقبال نے آکھیا اے کہ نویں سال وچ سب توں وڈا چیلنج پاکستان دی معیشت دی بحالی دا اے۔اپنے بیان وچ اوہناں نے آکھیا کہ ایہ سال ساڈے لئی نویاں اُمنگاں، جذبیاں تے ولولیاں دے نال طلوع ہو رہیا اے۔احسن اقبال نے آکھیا کہ2022ء وچ اسیں بوہت سارے چیلنجاںدا سامنا کیتا،پاکستان نے تریخ دی سب توں وڈی موسمیاتی تبدیلی دی تباہی ویکھی، ایس تباہی نے پاکستان نوں30 ارب ڈالر دا نقصان پہنچایا۔وفاقی وزیرِ منصوبہ بندی نے عوام توں اپیل کیتی کہ آئو سب ذاتی اختلاف بھلا کے اپنے ملک لئی2023ء وچ وَدھ محنت کریئے۔