محکمہ اینٹی کرپشن اسٹیبلشمنٹ پنجاب نے سالانہ کارکردگی رپورٹ جاری کردتی

لہور(پنجابی میڈیاگروپ)محکمہ اینٹی کرپشن اسٹیبلشمنٹ پنجاب نے سالانہ کاردگی رپورٹ جاری کردتی ۔محکمہ اینٹی کرپشن نے قومی خزانے وچ 17کروڑ9 6 لکھ38ہزار روپے دی خطیر رقم جمع کروائی تے16 کروڑ روپے دی رقم براہ راست بد عنوان عناصر توں وصول کیتے گئے۔ محکمانہ کارروائی ذریعے بالواسطہ1ارب17کروڑ8لکھ 33ہزار روپے سرکاری خزانے وچ جمع ہوئے تے 1ارب61 کروڑ15لکھ45ہزار روپے توںودھ مالیت دی سرکاری اراضی وی سال 2022ء وچ قبضہ مافیا تے بااثر افراد توں واگزار کروائی۔ رپورٹ دے مطابق امسال 1205 مقدمیاں درج کئے تے 4333 انکوائریاں کیتیاں گئیاں جدکہ20930 شکاتیاں دا فیصلہ کیتا گیا تے 1194 سرکاری افسراں تے ا ہلکاراں نوں گرفتارکیتا گیا۔ایس دوران سیاستداناں دے خلاف مختلف نوعیت دے10مقدمے درج کیتے گئے تے سینئر بیوروکریسی دے خلاف 16مقدمیاں دے چالان عدالتاں وچ پیش کیتے گئے۔