پی ٹی آئی رہنمااعظم سواتی نوں رہا کردتا گیا

اسلام آباد(پنجابی میڈیا گروپ)متنازع ٹوئٹ کیس وچ گرفتار سینیٹر اعظم سواتی نوں رہا کردتا گیا۔پی ٹی آئی دے رہنما و سینیٹر اعظم سواتی نوں سب جیل قرار دتے گئے سی آئی اے سینٹر وچ رکھیا گیا سی۔واضح رہے کہ پچھلے دناں اسلام آباد ہائیکورٹ نے متنازع ٹوئٹ کیس وچ پی ٹی آئی رہنما و سینیٹر اعظم سواتی دی درخواستِ ضمانت منظور کیتی سی۔عدالتِ عالیہ نے سینیٹر اعظم سواتی نوں2لکھ روپے دے ضمانتی مچلکے داخل کران دا حکم وی دتا سی۔یاد رہے کہ سندھ تے بلوچستان دی ہائی کورٹس نے اعظم سواتی دے خلاف مقدمے پہلاں ہی ختم کر دتے سن۔