نگران وزیراعلی: پرویز الہٰی نے گورنرنوں3نام گھل دتے
لہور(پنجابی میڈیا)وزیراعلی پنجاب چودھری پرویز الہی نے گورنر پنجاب نوں نگران وزیر اعلی لئی 3 نام گھل دتے۔ وزیر اعلی پنجاب چودھری پرویز الہی نے گورنر پنجاب نوں حکومتی اتحاد ولوں نگران وزیر اعلی لئی نام گھلے نیں۔ اتفاق رائے نال گھلے گئے ناماں وچ احمد نواز سکھیرا، ناصر محمود کھوسہ تے محمد نصیر خان دا نام شامل اے۔ واضح رہے کہ پچھلے دناں پی ٹی آئی دی سینئر قیادت دے اجلاس وچ 3 نام فائنل کیتے گئے سن، بعد وچ وزیراعلی پنجاب چودھری پرویز الہی نوں ناماں اُتے اعتماد وچ لیا گیا سی، چودھری پرویز الہی نے پی ٹی آئی ولوں فائنل کیتے گئے ناماں اُتے اعتماددا اظہار کیتا سی۔
