نوازشریف دے دماغ نوں خون سپلائی کرن والی شریان بند اے: مصدق ملک

اسلام آباد: مصدق ملک آکھیا اے نوازشریف دے دماغ نوں خون سپلائی کرن والی شریان بند اے، سابق وزیراعظم دا معائنہ سوئٹزر لینڈ تے امریکا دے ڈاکٹراں نے کیتا، حکومت بار بار غلط بیانی کر رہی اے۔ مسلم لیگ (ن) دے رہنما مصدق ملک نے نیوز کانفرنس کردیاں آکھیا نوازشریف دے پلیٹ لیٹس ڈگ رہے سن، حکومت دی تحویل وچ نوازشریف نوں دوجا ہارٹ اٹیک ہویا، پوری پنجاب حکومت نوازشریف دے مرض دی تشخیص تے لگی رہی، کابینہ نے نوازشریف دے باہر جان دا فیصلہ کیتا، کابینہ نے فیصلہ کیتا نوازشریف دا بیرون ملک جانا ضروری اے۔ مصدق ملک دا کہنا سی غلط بیانی دا ذمہ دار کون اے؟ ڈاکٹر شمسی نوں حکو مت نے منتخب کیتا، نوازشریف نوں دل دا سنگین عارضہ لاحق اے، نوازشریف تھوڑا جیہا چلدے نیں تے دل وچ تکلیف شروع ہو جاندی اے، نوازشریف دے میڈیکل بورڈ وچ سارے لوک حکومت نے منتخب کیتے سن۔