حکومت اپریل وچ الیکشن کران اُتے مجبور ہو جائے گی‘عمران خان

لہور ( پنجابی میڈیاگروپ) پاکستان تحریک انصاف دے چیئرمین و سابق وزیر اعظم عمران خان نے دوٹوک انداز وچ ملک بھروچ آئندہ عام الیکشن دی اپریل 2023ء وچ پیشگوئی کردیاں ہویاں آکھیا اے کہ اوہناں داایس ویلے نویں فوجی قیادت نال کوئی ریلیشن شپ نہیں، اسیںاک دلدل وچ ڈوبی جا رہے ہاں، سری لنکا وَرگی صورتحال توں بچن لئی حل صرف صاف و شفاف الیکشن نیں، پرویز الٰہی نوں (ن) لیگ دا وزیر اعلی بنن دی پیشکش کیتی گئی مگر اوہناں نے ساڈے نال وفاداری کیتی ، اوہ تحریک انصاف وچ ضم ہوکر ساڈی پارٹی دا حصہ بن جان گے۔ برطانوی نشریاتی ادارے نوں انٹرویو دے دوران سوال کیتا گیا کہ کیا اوہ معاشی تے ملکی بہتری لئی حکومت نال گل بات کرن نوں تیار نیں؟ ایس اُتے سابق وزیر اعظم نے آکھیا کہ اج تک کیہڑا سیاسی رہنما آیا اے جیہڑا اپنی حکومت ڈِیگ دیندا اے جیہڑا کہ 70فیصد پاکستان اے،ایہ حکومت آکشن ذریعے آئی اے، الیکشن ذریعے نہیں۔اوہناں نے الزام لایا کہ وزیر اعظم شہباز شریف دی حکومت ہارس ٹریڈنگ ذریعے آئی اے جس نے 20، 25کروڑ روپے دے کے لوکاں نوں خریدیا ۔ اوہناں نے 1100ارب روپے دے کرپشن کیس ختم کروائے، ساڈی معیشت دا بیڑہ غرق کر کے رکھ دتا۔