پنجاب دا نگران وزیراعلی کون؟ فیصلہ الیکشن کمیشن کرے گا
لہور( پنجابی میڈیا )پنجاب دے نگران وزیراعلی دی تقرری لئی حکومتی اتحاد تے اپوزیشن دی پارلیمانی پارٹی کسی نتیجے اُتے نہ پہنچ سکی، نگران وزیراعلی دے تقرر دا فیصلہ ہُن الیکشن کمیشن کرے گا ۔لہور وچ سپیکر پنجاب اسمبلی سبطین خان دے زیر صدارت اجلاس بے نتیجہ ختم ہوگیا، پنجاب وچ نگران وزیراعلی دے عہدے اُتے تقرری لئی قائم پارلیمانی کمیٹی کسی وی نام اُتے متفق نہ ہو سکی۔حکومتی اتحاد ولوں احمد نواز سکھیرا تے نوید اکرم چیمہ دے نام تجویز کیتے گئے نیں، جدکہ اپوزیشن نے محسن رضا نقوی تے احد چیمہ نوں نامزد کررکھیا اے۔
