عمران خان نے سیاست نوں بدنام کیتا اے:شہبازشریف
اسلام آباد( پنجابی میڈیاگروپ)وزیر اعظم شہباز شریف نے آکھیا اے کہ چیئرمین پاکستان تحریک انصاف عمران خان دے زہریلے طنز نے سیاست نوں بدنام کیتا اے۔ سماجی رابطے دی ویب سائٹ ٹوئٹر اُتے اپنے پیغام وچ وزیر اعظم شہباز شریف نے آکھیا کہ عمران خان احتساب دے نام اُتے نواز شریف نوں ہٹان تے مسلم لیگ ن نوں نشانہ بنان دی سازش وچ شامل سن۔ اوہناں نے آکھیا کہ 2013 توں عمران خان ملک وچ انتشار تے افراتفری دا ایجنٹ بن کے کم کر رہیا اے،عمران خان نے سماج نوں پولرائز کیتا اے تے ریاستی اداریاں نوں کمزورکیتااے۔
Load/Hide Comments





















