اگلے48گھنٹے لوڈشیڈنگ رہے گی:وزیرتوانائی
اسلام آباد( پنجابی میڈیاگروپ)وفاقی وزیر توانائی خرم دستگیر نے آکھیا اے کہ ملک بھر وچ بجلی دا نظام مکمل طور اُتے بحال کردتا اے۔اسلام آباد وچ پریس کانفرنس کردیاں ہویاں خرم دستگیر نے آکھیا کہ ملک وچ این ٹی ڈی سی دے1112گرڈ اسٹیشناں نوںبحال کردتا گیا اے جس توں بعد ملک بھر وچ بجلی دا نظام مکمل بحال کردتا اے۔اوہناں آکھیا کہ پچھلے دناں صبح ساڑھے7 وجے تکنیکی خرابی ہوئی جس دا اجے پتا نہیں چل سکیا ۔وزیر توانائی دا کہنا سی کہ جوہری پلانٹ نوں دوبارہ شروع ہون وچ 24 توں48گھنٹے چاہیدے نیں جَد کہ کوئلے دے پلانٹ نوں وی48گھنٹے چلان لئی چاہیدے نیں ایس لئی اگلے48گھنٹیاں وچ ملک وچ بجلی دی کمی رہے گی جس پاروں اگلے48گھنٹیاں وچ ملک وچ لوڈشیڈنگ رہے گی، پرسوں تک سب کجھ بحال ہوجائے گا۔
Load/Hide Comments





















