پرویز خٹک تے عثمان ڈار نے سرکاری گھراں تے قبضے کر لئے
اسلام آباد: سینیٹ دی قائمہ کمیٹی ہاؤسنگ و تعمیرات دے اجلاس دے دوران انکشاف ہویا اے وزیر دفاع پرویز خٹک تے وزیراعظم دے معاون خصوصی عثمان ڈار نے منسٹر انکلیو وچ گھراں تے غیر قنونی طور تے قبضے کر رکھے نیں۔
پارلیمنٹ ہاؤس اسلام آباد وچ سینیٹر میر کبیر احمد شاہی دی زیر صدارت سینیٹ قائمہ کمیٹی ہاؤسنگ و تعمیرات دا اجلاس ہویا جہدے وچ منسٹرز انکلیو وچ الاٹمنٹ تے غیر مستحق لوکاں توں اپارٹمنٹس خالی کران دا معاملہ زیر غور آیا۔
چیئرمین کمیٹی نے استفسار کیتا ماضی وچ ایسے منسٹر انکلیو توں بہت ناں والی شخصیا تنوں وی کڈھیا گیا، اینے عرصے توں غیر قنونی الاٹ گھراں نوں خالی کیوں نہ کرایا جا سکیا، موجودہ دور دا نعرہ کہ ‘قنون سب لئی اے’ کتھے گیا۔
وزیر ہاؤسنگ نے کمیٹی نوں دسیا غیر قنونی قابضین توں گھر خالی کران گے، جہڑے عزت دار لوک سن اک فون کال تے چلے گئے، کمیٹی حکم کرے اوہناں دا سامان کڈھ کے سُٹ دینا آں، پرویز خٹک دے کول دو گھر نیں اوہناں نوں اک خالی کرنا ہووے گا، اوہناں نوں منسٹر انکلیو وچ دوجی رہائش گاہ خالی کرن دا نوٹس کیتا اے، انوار الحق کاکڑ تے عثمان ڈار منسٹر انکلیو وچ غیر قنونی طور تے رہائش پذیر نیں۔
عثمان ڈار دو مہینے مینوں کہندے رہے کہ مینوں گھر الاٹ کرن، مینوں اج معلومات ملی اے کہ عثمان ڈار دا رتبہ وزیر دے برابر نہیں۔
