مینوں جیل توں کوئی ڈرنہیں:عمران خان

لہور( پنجابی میڈیاگروپ)سابق وزیراعظم عمران خان ہوراں آکھیا اے کہ میری آوازبند کرن دی کوشش کیتی جارہی اے،مینوں جیل توں کوئی ڈرنہیں،موت بوہت قریب توں ویکھی اے۔عمران خان دا کہنا سی کہ ظلم تے ناانصافی دے خلاف کھڑا ہونا جہاد اے،مدینہ دی ریاست وچ عدل وانصاف آیا فیر خوشحالی آئی،نیلسن منڈیلا نے پتے دی گل کیتی غربت گھٹ کرنی اے تے پہلاں انصاف لے کے آ۔اوہناں آکھیا کہ عدلیہ تے وکلا برادری نال مخاطب ہاں،اللہ نے تہانوں وڈی ذمہ داری سونپی اے،جس پاسے ایہ لے کے جا رہے نیں ملک دا کوئی مستقبل نہیں،قنون وانصاف دیاں دھجیاں اڑایاں جارہیاں نیں،معززججاں تے وکیلاں توں اپیل کررہیا ہاں،میں تہاڈے ساریاں لئی کھڑا ہاں،میری ساری کوشش تہاڈے لئی اے۔اوہناں دا کہنا سی کہ میری آوازوی بند کرن دی کوشش کیتی جارہی اے،فوادچوہدری نوں کیوں گرفتار کیتا گیا؟قوم نوں کہہ رہیا ہاں تہاڈا مستقبل تہاڈے ہتھاں وچ اے،اللہ توں بعد ایس ملک دے تُسی وارث او۔سابق وزیراعظم دا کہنا سی کہ میں یقین دلاندا ہاں مینوں جیل توں کوئی ڈر نہیںاے،موت بوہت نیڑے توں ویکھی اے،جَد اللہ دا فیصلہ ہوئے گا،ٹائم نہ اگے ہوئے گا نہ پیچھے،مینوں اوس دی کوئی فکر نہیں،مینوں جیل لے کے جان لگے نیں اوس دی کوئی فکر نہیں،تہانوں وی جیل توں ڈرنا نہیں چاہیدا،کِنیاں نوں جیلاں وچ پان گے۔اوہناں دا ہور کہنا سی کہ عدلیہ کول کیس لے کے جارہے ہاں،انصاف دی توقع رکھدے ہاں،مشرف مارشل لا وچ مینوں جیل وچ سُٹیا گیا لیکن اینج دے حالات پہلاں کَدی نہیں ویکھے،افسوس نال کہنا پہ رہیا اے ساڈی عدلیہ نے ساڈے بنیادی حقوق دی حفاظت نہیں کیتی۔خیال رہے کہ الیکشن کمیشن تے اوہناں دے گھر والیاں اہلخانہ نوںدھمکیاں دین اُتے پی ٹی آئی رہنما فوادچوہدری کو اج علی الصبح لہورتوں گرفتارکیتا گیا سی۔

اپنا تبصرہ گھلو