سینیٹ اجلاس وچ زینب الرٹ بل 2020ء منظور، گھٹ توں گھٹ 7ورھے قید دی سزا مقرر
اسلام آباد: سینیٹ اجلاس وچ سینیٹر جاوید عباسی تے سینیٹر مشتاق احمد دے اعتراضات رد کردیاں زینب الرٹ بل 2020منظور کر لیا گیا اے۔
ایوان وچ زینب الرٹ بل پیش کرن دی تحریک وزیر پارلیمانی امور اعظم سواتی نے پیش کیتی۔ سینیٹر جاوید عباسی دا بل تے اعتراض کردیاں کہنا سی کل رپورٹ پیش ہوئی، اج بل پیش کیتا جا رہیا اے، ایہدے علاوہ بل وچ مجرماں دی سزا دا تعین وی گھٹ اے۔
ایہدے تے وزیر تعلیم شفقت محمود دا کہنا سی بل پہلے قومی اسمبلی تے فیر سینیٹ کمیٹی وچ زیر غور رہیا۔
ساری قوم ویکھ رہی اے کہ بل منظور ہووے۔
سینیٹر جاوید عباسی دا اعتراض کردیاں کہنا سی بچے نوں زیادتی تے قتل دے ارادے نال اغوا کرن والیاں لئی سزا گھٹ اے۔ سزا ودھائی جاوے، صرف عمر قید گھٹ اے۔سینیٹر مشتاق احمد دا کہنا سی دباء دے راہیں قصاص نوں ختم کرن دی کوشش کیتی جا رہی اے۔
قصاص نوں ختم کرن نوں تسلیم نہیں کیتا جاوے گا۔
زینب الرٹ بل وچ کمزوریاں نیں۔ ایہدے تے چیئرمین سینیٹ صادق سنجرانی آکھیا سینیٹر مشتاق احمد نے ہاؤس نوں ڈکٹیٹ کرنا شروع کر دتا اے، ایس طرح ایوان نہیں چلے گا، شیری رحمان صاحبہ تسیں وی چپ بیٹھ جاؤ۔
خیال رہوے قومی اسمبلی وچ پہلاں ای زینب الرٹ بل دی منظوری دے چکی اے۔ بل دے تحت بالاں دے خلاف جرائم دی سزاواں، سزائے موت توں لے کے عمر قید ہووے گی۔
