پیٹرول،ڈیزل35روپے ودھ گیا

اسلام آباد (پنجابی میڈیاگروپ) وفاقی حکومت نے پیٹرول تے ڈیزل دی قیمت 35،35روپے،مٹی دے تیل تے لائٹ ڈیزل دی قیمت وچ 18،18روپے فی لیٹرداودھا کردتا اے،اطلاق دن11وجے توں ہوئے گیا،ودھا دے بعد پیٹرول دی قیمت249روپے80پیسے، ہائی اسپیڈ ڈیزل262روپے80پیسے فی لیٹر، مٹی دا تیل189روپے83پیسے تے لائٹ ڈیزل آئل187روپے فی لیٹر ہوگئی،پیٹرول دی قیمت ودھان دااعلان وزیر خزانہ اسحق ڈار ولوں کیتا گیا ،ایہ پہلی وارویکھیا گیا کہ پیٹرول دی قیمت اچانک صبح ویلے ودھائی گئی ۔ وفاقی وزیر خزانہ اسحق ڈار نے پریس کانفرنس نال خطاب کردیاں ہویاں آکھیا کہ پیٹرول دی مصنوعی قلت دیاں خبراں ساہمنے آئیاں تے عالمی منڈی وچ پیٹرول دی قیمت تقریبا11فیصد تک ودھی اے، ساہنوں اینہاں ساریاں چیزاں نوں ساہمنے رکھنا پئے گا۔اوہناں نے آکھیاکہ سوشل میڈیا اُتے پیٹرول تے ڈیزل دی قیمت وچ50روپے ودھن دے حوالے نال قیاس آرائیاں عروج اُتے سن۔