پیٹرول ریٹ نے عوام نوں کُچل دتا ‘عمران خان
لہور(پنجابی میڈیاگروپ) پاکستان تحریک انصاف دے چیئرمین عمران خان نے آکھیا اے کہ کرپٹ تے نااہل امپورٹڈ حکومت دی بد انتظامی نے معیشت تباہ کر دتی،پیٹرول تے ڈیزل دی قیمتاں وچ ودھا نال عوام تے تنخواہ دار طبقے نوں کُچل دتا اے ۔ ٹوئٹر اُتے جاری اپنے بیان وچ عمران خان نے آکھیا کہ200ارب دے منی بجٹ وچ بجلی تے گیس دیاں قیمتاں وچ35فیصد ودھا متوقع اے،200ارب دے منی بجٹ نال مہنگائی دی شرح وچ35فیصد ودھا ہوئے گا۔ اوہناں نے اپنے پیغام وچ ہور لکھیا اے کہ ہُن گیس تے بجلی دی قیمت وی ودھن داامکان اے۔
