اج وی میر جعفر، میر صادق ہی مسلط نیں،سراج الحق

ملتان( پنجابی میڈیاگروپ)امیر جماعت اسلامی سراج الحق نے آکھیا اے کہ 75ورھیاں توں بعد وی اوہی لوگ پاکستان اُتے مسلط نیں جنہاں نے میر جعفر تے میر صادق دا کردار ادا کیتا سی۔جلسے نال خطاب کردیاں امیر جماعت اسلامی سراج الحق نے آکھیا کہ75ورھیاں بعد وی اوہی لوگ پاکستان اُتے مسلط نیں جنہاں نے میر جعفر تے میر صادق دا کردار ادا کیتا،غلام ابن غلام سیاست اُتے چھائے ہوئے نیں، ہر پاکستانی3لکھ روپے دا قرضئی اے۔سراج الحق نے آکھیا کہ اوہناں دااحتساب سپریم کورٹ، نیب نہیں کر سکدا،ایہ اپنے آپ نوںآئین تے قنون توں بالاتر سمجھدے نیں، اوہناں دے بال سرکاری تعلیمی اداریاں وچ نہیں پڑھدے، ایہ تہانوںشودر تے اپنے آپ نوں برہمن سمجھدے نیں، 2 رستے نیں، موجودہ حالات اُتے اکتفا کر لین یا فیر اوہناں نوں نشان عبرت بنا دین۔اوہناں اکھیا کہ حکمراناں دیاں پالیسیاں پاروں لوکاںدے چہریاںاُتے مسکراہٹ نہیں رہی،ہُن آٹے دی قیمت ہور ودھے گی، ایہ بدمعاش نیں، اینہاں دا احتساب سپریم کورٹ تے نیب نہیں کرسکدا، اینہاں دا احتساب کوئی ادارہ نہیں کرسکدا، ایہ او مخلوق اے جیہڑی اپنے آپ نوں خداتے عوام نوں غلام سمجھدی اے۔