بھارت دے یوم جمہوریہ دے موقعے تے انٹرنیشنل ویبی نار

عمران احمد

”دیال سنگھ ریسرچ اینڈ کلچرل فورم” آئے دن کوئی نہ کوئی تقریب متھی رکھدا اے۔ اوہناں تے بہانا چاہی دا اے۔ کوئی خاص تاریخی یا ثقافتی دیہاڈ ہووے فورم نوالیاں نوں رل بہن دا موقع مل جاندا اے۔ انج ای بھارت دے یوم جمہوریہ تے جیہنوں بھارت دیاں اقلیتاں سکھ تے کشمیری ”کالا دیہاڑ آکھدے نیں اک ” انٹرنیشنل دا آہر کیتا گیا۔
فورم دے ڈائریکٹر ڈاکٹر رزاق شاہد ہوراں رلتیاں نوں جی آیاں نوں آکھیا تے فورم دی کارگزاتی دسی۔ فورم دا باقاعدہ مڈھ بنھدیاںڈاکٹر چرنجیت کور مان ایسوسی ایٹ پروفیسر ہسٹری، A.S.S.M کالج مکند پور ضلع نگر، انڈیا نے کیہا کہ اَج دا دیہاڑا اسیں یومِ جمہوریہ دے طور تے منا رہے آں۔ اوہناں نے کہیا کہ انگریزاں توں ازادی توں ازادی لین توں بعد ہندوستان آزاد مُلک بنیا اَتے اپنا آئین 1950ء وچ بنایا۔ اوہناں کہیا کہ ڈاکٹر امیبیدکر نے ایس آئین نُوں بنایا سی جیہناں دا تعلق دلت ورگ نال سی۔ اوہناں کہیا کہ تمام اقلیتاں اَتے اکثریتاں (ہندو، مسلم، سکھ، عیسائی تے ہور) نے ایس آئین دی نمائندگی کیتی اَتے بغیر کسے ہچکچاہٹ دے دستخط کیتے۔ اوہناں نے کہیا کہ ڈاکٹر امبیدکر نُوں ہندوستانی قوم ہمیش یاد رکھے گی، کیوں جو اوہناں نے ہندوستانی آئین بنان لئی انتھک کوشش کیتی۔ اوہناں نے کہیا کہ ہندوستان وچ ہمیش 26 جنوری نُوں تاریخی دِن دے طور تے پورے زوراں شوراں نال منایا جاندا اے۔
ڈاکٹر انیس ہاشمی، انسٹی ٹیوٹ آف کشمیر سٹڈیز، مظفرآباد، آزاد جموں و کشمیر، پاکستان نے کہیا کہ اَج دا دِن ساڈے گوانڈھی دیش بھارت لئی وڈا دِن اے کیوں ایس دیہاڑے اوہناں دا آئین لاگو ہویا،جیہنوں اوہ یومِ جمہوریہ دے طور تے منائوندے نیں۔ اوہناں کہیا کہ کسے وی ملک دا آئین اوہدے واسیاں دی شناخت دا نمائندہ ہوندا اے۔ اوہناں کہیا کہ بین الاقوامی رپورٹ دے مطابق بھارت وچ انسانی حقاں دی خلاف ورزیاں سبھ توں ودھ ہوندیاں ہن۔ اوہناں کہیا کہ انسانی حقاں دیاں خلاف ورزیاں وچ سبھ توں ودھ سکھ، مسلمان اَتے عیسائی برادری شکار ہوندیاں نیں۔
ڈاکٹر سریش شرما، محکمہ پبلک ایڈمنسٹریشن، گورنمنٹ مہندرا کالج، پٹیالہ، انڈیا نے کہیا کہ میں آپ ایس چیز نُوں محسوس کردا کہ ساڈے دواں مُلکاں دی پُرانی تاریخ اے اوہ اِک اے۔ ساڈیاں (بھارت۔پاکستان) دے بہت سارے بنیادی مسائل وی اِکو جیہے نیں۔ اوہناں کہیا 26 جنوری 1950ء نُوں بھارت نے اپنا آئین بنا لیا سی۔ ساڈا سوشل فیبرک ایہو جیہا اے کہ اسیں اپنے آئین لاگو کرن وچ بہت حد تیکر ناکام رہے ہاں۔ اوہناں کہیا کہ ایہدے وچ کوئی شک نہیں کہ بھارت دا آئین دُنیا دا سبھ توں وڈا لکھیا ہویا ڈاکومنٹ ہے۔ سب توں وڈی کمیونٹی ہندو نیں تے اوہناں وچوں وی مظلوم طبقہ مل جاند ااے۔ 100 فیصد ہر کسے نُوں رائٹس دینے بہت مشکل جیہا کم اے۔ فنڈامینٹل رائٹس بڑی خوبصورت گل اے۔ اوہناں دا آکھنا سی کہ آئین بنان والیاں دی نیت بہت سوہنی سی اوہدے تے شک نہیں کیتا جاسکدا پر دوواں مُلکاں وچ ایہنوں عملی طور تے نافذ نہیں کیتا جاسکیا۔ اوہناں کہیا کہ ساڈے سماجی تانے بانے آئین نُوں عملی طور تے نافذ ہون وچ رُکاوٹ نیں۔ اوہناں کہیا کہ اَج دے دِن تک آئین وچ بہتری دا عمل چل رہیا ہے۔ اوہناں کہیا ڈاکٹر امبیدکر اِک وِدوان سن جیہناں دا تعلق نچلی جات نال سی، جیہدے نال ظاہر ہوندا اے کہ ہندوستانی حکومت نے آئین نُوں بنان لئی نمائندگی دِتی۔ اوہناں کہیا کہ دوواں دیشاں دا سنودھان خوبصورت اَتے جامع اے۔ اوہناں نے آئین بارے گل کردیاں کہیا کہ حکومتِ ہند نے اَج تیکر کدی وی آئین دے بنیادی حقاں نُوں پورا کرن دی کوشش نہیں کیتی۔ اوہناں کہیا کہ ہندوستان واسیاں وچ شعور دی کمی کارن سنودھانک حق کدے پورے نہیں ہوئے۔ اوہناں کہیا کہ پاکستان نُوں وی ایہو جیہے مسئلیاں دا ساہمنا ہے۔ اوہناں کہیا کہ تعلیمی لحاظ نال آئین دیاں شقاں بہت خوبصورت نیں پر عملی طور تے کدی وی وکھالی نہیں دِتیاں۔
قیوم نظامی، مصنف اَتے کالم نگار، سابق چیئرمین متروکہ وقف املاک بورڈ، پاکستان نے کہیا کہ آزادی دی بنیاد اُتے اِک آئین بنایا گیا، ایہہ خوشی والی گل اے۔ اوہناں کہیا کہ آئین لکھنا ہور اے اَتے اوہدے اُتے عمل کروانا ہور گل اے۔ میں اتفاق کردا ایس گل اُتے کہ دوواں مُلکاں دا ایہہ مسئلہ اے۔ اوہناں کہیا کہ دوواں دیشاں نُوں ترجیحی بُنیاداں اُتے آئین اُتے نظرِ ثانی کرنی چاہیدی اے۔
ڈاکٹر راجیش کمار، اسکول آف سوشل سائنسز، گرو نانک دیو یونیورسٹی، امرتسر، انڈیا، نے کہیا کہ ساڈیاں نظراں یورپ، امریکہ، چین اَتے دیگر ترقی یافتہ مُلکاں اُتے نیں جتھے آئین نُوں عملی طور تے نافذ کرن دے نال نال سارے بنیادی حق وچ بغیر کسے بھید بھاو دے دِتے گئے نیں۔ اوہناں کہیا کہ سانُوں اوہناں نال موازنہ کرن دی بجائے اوہناں دی پیروی کرنی چاہیدی اے۔ اوہناں قیوم نظامی دا حوالہ دیندیاں کہیا کہ دوواں مُلکاں دے سیاستدان اپنے مفاداں کارن کدی وی ترقی یافتہ مُلک نہیں بن سکے۔ اوہناں دا ہو رکہنا سی کہ سماجی طور تے کامیاب ہون دی کوئی گارنٹی اوس ویلے تک نہیں جد تیک اسیں آئین نُوں نفاذ نہیں کردے۔
ڈاکٹر بی ایس اٹوال نے کونسٹیٹیوشن دے حوالے نال گل کردیاں ہوئیاں آکھیا کہ ساڈا Constitution وچ بنیادی طور تے 7 فنڈامینٹل رائٹس شامل نیں تے اوہناں اُتے جھات پائی تے دسیا عوام نُوں ایس بارے آگاہی ہونی چاہیدی اے۔ اوہناں آکھیا کہ حکومت نُوں گُڈ گورننس لئی عوام دے ایہناں حقاں بارے کم کرنا چاہیدا اے۔ ایس توں اَڈ اوہناں Constitution دی امینڈمینٹ بارے وی دس پائی۔
گرچرن تھِند
اوہناں کہیا کہ اسیں آئین دے گُن تے گا رہے آں پر اسیں اقلیتاں خاص کر عورت دی گل تے کیتی نہیں برابری دی گل تے کیتی نہیں۔ اوہناں کہیا کہ ایکویلٹی نہیں ایکوٹی چاہیدی اے۔ زیادہ تحفظ عورتاں نُوں چاہیدا اے۔

اپنا تبصرہ گھلو