مریم نواز یکم فروری توں دورے شروع کرے گی

لہور(پنجابی میڈیاگروپ) پاکستان مسلم لیگ (ن) دی سینئر نائب صدر و چیف آرگنائزر مریم نواز یکم فروری توں ملک گیر تنظیمی دوریاں دا آغاز کرے گی جس دا شیڈول جاری کر دتا گیا۔ وفاقی وزیراطلاعات و مرکزی رہنما مسلم لیگ (ن) مریم اورنگزیب نے مریم نوازدے ملک گیر تنظیمی دوریاں دا شیڈول جاری کردیاں ہویاں آکھیا کہ پارٹی دی سینئر نائب صدر تے چیف آرگنائزر مریم نواز یکم فروری توں طوفانی تنظیمی دوریاں داآغاز کرے گی ۔شیڈول دے مطابق مریم نواز یکم فروری نوں بہاولپور وچ ورکرز کنونشن نال خطاب کرے گی ،2 فروری نوں بہاولپور وچ پارٹی دا تنظیمی اجلاس منعقد ہوئے گا،5فروری نوں ملتان وچ کنونشن تے 6فروری نوں پارٹی دا تنظیمی اجلاس ہوئے گا ،9فروری نوں مریم نواز ایبٹ آباد وچ کنونشن نال خطاب کرے گی ۔ 10فروری نوں ایبٹ آباد وچ پارٹی دا تنظیمی اجلاس منعقد ہوئے گا ،15فروری نوں مریم نواز ڈیرہ غازی خان وچ کنونشن تے جلسے نال خطاب کرے گی ،16فروری نوں ڈی جی خان وچ پارٹی دے تنظیمی اجلاس دی صدارت کرے گی ،19فروری نوں پنڈی وچ ورکرز کنونشن ہوئے گا،20فروری نوں تنظیمی اجلاس ہوئے گا ،23فروری نوں مریم نوازشریف سرگودھا وچ ورکرز کنونشن نال خطاب کرے گی،24فروری نوں مریم نواز سرگودھا وچ پارٹی تنظیمی اجلاس دی صدارت کرے گی ،27فروری نوں ساہیوال وچ ورکرز کنونشن 28فروری نوں پارٹی تنظیمی اجلاس ہوئے گا ۔