امپورٹڈ ٹولے توں ملک نئیں چل رہیا’مسرت جمشید
لہور(پنجا بی میڈیاگروپ)پاکستان تحریک انصاف دی مرکزی رہنما مسرت جمشید چیمہ ہوراں آکھیا اے کہ رجیم چینج آپریشن توں بعد امپورٹڈ ٹولے دی سیاست دا سکہ چل سکیا اے نہ اوہناںتوں ملک چل رہیا اے ، ایہ عمران خان نوں جنہا دیوار نال لان دی کوشش کر رہے نیں اوہناں دی عوامی مقبولیت اوہنی ہی وِدھ رہی اے۔ اپنے بیان وچ اوہناںنے آکھیا کہ سارے ظلم ہون دے باوجوداج وی تحریک انصاف دے رہنماواںدی پیشیاں دا سلسلہ جاری اے، شہباز گل اُتے جیہڑا بدترین تشدد کیتا گیا اوہ اج تک اوس دے منفی اثرات توں باہر نہیں نکل سکے،فواد چوہدری تے اوہناں دی فیملی نوں وی بدترین اذیت پہنچائی گئی ،عوام نے فسطائیت دی اج تک اینج دی مثال نہیں ویکھی،جس سکھا شاہی دا ذکر عوام نے کتاباں وچ پڑھیا سی اوہ اج دے دور وچ نمودار ہو چکی اے۔ اوہناں نے آکھیا کہ فواد چوہدری ،اعظم سواتی ،شہباز گل ، صحافیاں اُتے ڈھائے گئے بد ترین ظُلم نے عوام دا خوف ختم کر دتا اے۔
