سانحہ پشور :ذمہ داراں نوں کٹہرے وچ لیایا جائے گا،آرمی چیف
پنڈی( پنجابی میڈیاگروپ)آرمی چیف جنرل سید عاصم منیر نے آکھیا اے کہ سانحہ پشور دے ذمہ داراں نوں انصاف دے کٹہرے وچ لیایا جائے گا، اینج دے بزدلانہ اقدامات قوم دے عزم نوں متزلزل نہیں کر سکدے ۔ پاک فوج دے شعبہ تعلقات عامہ(آئی ایس پی آر) دے مطابق آرمی چیف جنرل سید عاصم منیر دی زیر صدارت کورکمانڈرز کانفرنس ہوئی، کانفرنس وچ سانحہ پشوردے شہیداں نوںخراج عقیدت پیش کیتا گیا۔آئی ایس پی آر دے مطابق آرمی چیف جنرل سید عاصم منیر نے کور کمانڈرز نال خطاب کردیاں ہویاں آکھیا کہ اَت گردی دے خلاف جاری جنگ وچ کامیابی لئی پُرعزم ہاں، بزدلانہ کارروائیاں کسی وی اَت گرد تنظیم لئی زیرو ٹالرنس نال عزم نوں مضبوط کردیاں نیں، اوہناں نے اَت گرداںدے خلاف آپریشن اُتے فوکس جاری رکھن دی وی ہدایت کیتی۔آئی ایس پی آر دے مطابق کانفرنس دے رَلتیاں نوں درپیش خطرات، اَت گردی دے ودھدے واقعات اُتے بریفنگ دتی گئی، مقبوضہ کشمیر دی صورتحال تے اَت گرداںدا گٹھ جوڑ توڑن سنے لائن آف کنٹرول تے اَت گردی دے خلاف جاری آپریشن بارے وچ وی بریف کیتا گیا۔
