سانحہ پشور اُتے وی سیاست کیتی جا رہی اے،عمران خان

لہور(پنجابی میڈیاگروپ)پاکستان تحریک انصاف دے چیئرمین و سابق وزیر اعظم عمران خان ہوراں اکھیا اے کہ سانحہ پشور انتہائی دردناک تے تکلیف دہ سانحہ اے لیکن بد قسمتی نال ایس اُتے سیاست کیتی جا رہی اے۔ویڈیو لنک ذریعے اپنے خطاب وچ چیئرمین پی ٹی آئی دا کہنا سی کہ خیبرپختونخوا پلس نے بوہت زیادہ قربانیاں دتیاں، افسوس اینہاں وڈا سانحہ ہویا تے سیاست کیتی جارہی اے، قوم نوں دسنا چاہندا ہاں ایتھوں تک پہنچے کیسے، کجھ مہینیاں توں فیر اَت گردی شروع ہو گئی اے۔عمران خان نے آکھیا کہ افغان جہاد توں بعد سب نوں پتا سی ردعمل آنا اے، مشرف نے 2003 وچ قبائلی علاقیاں وچ پہلی وار فوج گھلی، قبائلی علاقے پرامن علاقے سن، جَد قبائلی علاقیاں وچ فوج گھلی تے مسئلے شروع ہو گئے، فوج گھلن اُتے قبائلی علاقیاں وچ بڑا غصہ سی، پشتوناں نے2002 دے الیکشن وچ ایم ایم اے نوں ووٹ دے کے دَس دتا اوہ جنگ دے خلاف نیں ۔ اوہناں نے آکھیا کہ جِداں جِداں اسیںامریکا دی جنگ وچ شامل ہُندے گئے تے آہستہ آہستہ پاکستان وچ ات گردی وَدھ ہُندی گئی،جَد میں ات گردی دے خلاف جنگ وچ آواز چُکی تے مینوں طالبان خان آکھیا جاندا، ڈرون حملیاں دے خلاف واحد میں ساں جس نے آوازچُکی سی باقی تے ڈرے سن،2004 توں آہستہ آہستہ قبائلی علاقیاں وچ ڈرون حملے وی شروع ہو گئے، ڈرون حملیاں دا شکار ہون والے پُلس والیاں توں بدلہ لیندے سن، جَد اسیں خیبرپختونخوا وچ اقتدار سنبھالیا تے پُلس ریفارمز دی تے پُلس دی ٹریننگز کران ۔ عمران خان نے آکھیا کہ2021 وچ جَد امریکا نوافغانستان توں انخلا دا اعلان کیتا تے ساہنوں خانہ جنگی دا خوف سی،خوف سی جَد افغانستان وچ خانہ جنگی ہوئے گی تے پاکستان اُتے وی اثرات پین گے۔