عمران خان قومی اسمبلی داضمنی الیکشن نہیں لڑن گے

اسلام آباد( پنجابی میڈیاگروپ)چیئرمین تحریک انصاف عمران خان نے قومی اسمبلی دے ضمنی الیکشن وچ حصہ نہ لین دا فیصلہ کیتا اے ۔ذرائع مطابق عمران خان دی بجائے سابق ارکان اسمبلی ہی الیکشن لڑن گے ، الیکشن کمیشن نے 33 ضمنی الیکشن دے حلقیاں وچ 16 مارچ نوں الیکشن شیڈول جاری کر رکھیا اے۔ذرائع دا کہنا اے کہ پہلاں فیصلہ ہویا سی کہ چیئرمین تحریک انصاف ضمنی الیکشن آپئی لڑن گے، چیئرمین تحریک انصاف نے موجودہ صورتحال نوں ساہمنے رکھدیاںفیصلہ تبدیل کر لیا اے ۔ذرائع مطابق سابقہ ارکاناں نوں ہی ضمنی الیکشن وچ حصہ لین دی ہدایت کر دتی گئی اے جدکہ چیئرمین تحریک انصاف نے سابقہ ارکاناں نوں ہی کاغذات نامزدگی جمع کران دی وی ہدایت کیتی اے۔ یاد رہے کہ پچھے دناں عمران خان نے راجن پور دے حلقہ این اے 193 دے ضمنی الیکشن توں دستبردار ہون دا فیصلہ کیتا سی ،چیئرمین تحریک انصاف نے کاغذات نامزدگی واپس لے لئی سن ۔