شیخ رشید دے خلاف کراچی وچ وی مقدمہ درج

کراچی( پنجابی میڈیاگروپ)سربراہ پاکستان عوامی مسلم لیگ تے سابق وفاقی وزیر داخلہ شیخ رشید دے خلاف کراچی وچ وی مقدمہ درج کر لیا گیا۔پلس ذرائع دے مطابق شیخ رشید دے خلاف کراچی دے موچکو تھانے وچ مقدمہ درج کیتا گیا اے، شیخ رشید دے خلاف مقدمہ درج کر کے ایف آئی آر نوں سیل کر دیا گیا اے۔شیخ رشید اُتے مقدمہ بلاول بھٹو دے خلاف غیر اخلاقی زبان استعمال کرن اُتے درج کیتا گیا۔ذرائع آکھیا کہ شیخ رشید دی گرفتاری لئی کراچی پلس دی ٹیم اسلام آباد اپڑ گئی اے، موچکو تھانے دے ایس ایچ او تے ایس ڈی پی او شیخ رشید نوں پھڑن اسلام آباد پہنچے نیں۔ سابق وفاقی وزیر داخلہ شیخ رشید نوں اج ہی کراچی منتقل کیتا جائے گا ۔ یادرہے کہ اسلام آباد پلس نے شیخ رشید نوں سابق صدر آصف علی زرداری اُتے الزام عائد کرن دے الزام وچ گرفتارکیتا سی تے پچھلے دناں عدالت نے شیخ رشید نوں 2 روزہ جسمانی ریمانڈ اُتے پلس دے حوالے کیتا سی۔